NASAKOTE noong Huwebes ng mga pulis ang isang babae dahil sa kasong qualified theft sa Brgy. San Jose, Alitagtag, Batangas.

Dakong alas-12:12 ng hatinggabi nahuli ng mga tauhan ng Alitagtag police ang suspek dahil sa tatlong bilang ng qualified theft sa bisa ng arrest warrant na inisyu ni Judge Dorcas Ferriols-Perez, Presiding Regional Trial Court, 4th Judicial Region, Branch 84 ng Batangas.

May inirekomendang P216,000 na piyansa para sa pansamantalang kalayaan ng akusado, ayon sa report.