GINAWARAN ng Anti-Red Tape Authority (ARTA) ang General Trias ng seal of 𝗲𝗕𝗢𝗦𝗦 compliance noong Mayo 22 sa Manila Hotel.

Pinangunahan ni Mayor Luis ‘Jon Jon’ Ferrer IV, Vice Mayor Jonas Labuguen at City Business Permit and Licensing Office head Romel Olimpo ang pagtanggap ng plaque mula kay Secretary Ernesto Perez, director general ng ARTA.

Nakatanggap ng recognition ang General Trias dahil sa mga initiatives nito upang mas mapadali ang pagnenegosyo sa lungsod gamit ang makabagong teknolohiya.

Binabati po natin ang ating BPLO, sa pangunguna ni Romel Olimpo, sa kanilang matagumpay na pagpapatupad ng eBOSS na siyang nagbunga ng mas mabilis at higit na epektibong transaksyon at proseso para sa ating mga mamamayan,” sabi ni Vice Mayor Labuguen.