“NATATAKOT ba siya kay Sara Duterte?”

Ito ang ipinukol na katanungan ni AKBAYAN Party List Representative Percival “Perci” Cendaña para kay Senate President Francis “Chiz” Escudero bunsod ng patuloy na pagka-antala sa pagko-convene ng Mataas na Kapulungan bilang impeachment court.

“Natatakot ba siya kay Sara Duterte? The Senate’s inaction risks is being seen as a betrayal of its Constitutional mandate and a deliberate to shield the Vice President from accountabilty,” sabi nito.

Bukod dito, kinantiyawan pa ni Cendaña si Escudero na ang gagawing deliberasyon para sa impeachment ng Pangalawang Pangulo ay hindi umano “Paris fashion week” kung saan ay maaaring maging kampante sapagkat ito ay isang Constitutional duty.

“Hindi po ito Paris fashion week. Convening the Senate as an impeachment court is a solemn Constitutional duty, not a seasonal accessory you put on or discard depending on the political weather o one’s personal agenda,” wika pa ni Cendaña.

Ayon pa sa mambabatas, alinsunod din sa pinaka-huling survey ng Social Weather Station (SWS), halos siya mula sa sampung Pilipino ang nagnanais na maisalang sa impeachment trial si VP Sara Duterte kasunod ang pagkakalinis ng kaniyang pangalan sa korapsiyon.

“The public wants a trial. Even the Vice President herself has signaled a willingness to face one. What’s stopping the Senate,” wika pa nito.