Arestado ang isang tauhan ng Philippine Coast Guard (PCG) na nagpaputok umano ng baril sa pagsalubong ng bagong taon sa Quezon City.

Kinilala ang suspek na si Ferdinand Bagundol, 40-anyos, at nakatalaga sa General Services Division, Coast Guard Base Parola ng PCG, at residente ng Brgy. Kaligayahan, Quezon City.

Lasing umano ang suspek ng magpaputok ng baril sa Hobart Subd., Brgy. Kaligayahan, alas-8:37 ng gabi noong Disyembre 31, 2022. Narekober umano sa lugar ang pitong basyo ng bala.

Ang suspek ay nahaharap sa kasong paglabag sa Comprehensive Law on Firearms and Ammunition o Republic Act 10591.