AABOT sa 57 volleyball stars, sa pangunguna ni three-time UAAP champion Bella Belen ng National University, ang lalahok sa Premier Volleyball League Rookie Draft na gaganapin ngayong Linggo sa Novotel Manila Araneta City.

Ang Capital1, na hahawakan na ngayon ni Brazilian coach Jorge Souza de Brito, ang may hawak ng No. 1 pick sa gagawing draft, na tatampukan ng mga magagaling na players mula sa collegiate teams at iba pang foreign-trained players.

Nasa No. 2 naman sa listahan ng mga pipili ang Galeries Tower.

Susundan sila ng Farm Fresh sa No. 3, Nxled sa No. 4, ZUS Coffee sa No. 5, Cignal sa No. 6, Choco Mucho sa No. 7, Chery Tiggo sa No. 8, PLDT sa No. 9, Akari sa No. 10, PetroGazz sa No. 11 at PVL Team of the Year Creamline, na pinakahuli sa No. 12.

Si Belen, na kasalukuyang naka-focus sa kanyang commitments sa national team sa AVC Women’s Nations Cup sa Hanoi, Vietnam, ang inaasahan na mapipiling No. 1 overall pick.

Makakasama ni Belen sa official pool ang kanyang mga National University teammates sina Adina Erin Pangilinan, Sheena Toring, Pearl An Denura at Jerrymie Ann Turaray.

Mula La Salle, kalahok sina Alleiah Malaluan, Jyne Soreño, Julyana Tolentino at Jessa Ordiales.

Kasama din sa listahan sina:

Adamson — Mayang Nuique, Ayesha Juegos, Jules Lopena, Aliah Marce, Kylene Villegas, at May Roque.

Ateneo — AC Miner at Lyann De Guzman.

Far Eastern University — Jean Asis, Chenie Tagaod, Ann Monares, at Lyka Bautista.

University of Santo Tomas — Pia Abbu at Renee Peñafiel.

University of the East –Riza Nogales.

University of the Philippines — Nica Celis.

Samantala, pangungunahan ni NCAA Season 97 MVP Mycah Go ng College of St. Benlde ang 17 players na kalahok mula sa NCAA.

Makakasama niya sina Kristine Adante, Cherry Mae Cuenca, at Pau De Guzman (Arellano University); Angelique Ledesma at Leah Tapang (Letran); Jhan Pauline Fortuno at Jamaica Villena (Emilio Aguinaldo College); Maliey Amante, Karyla Jasareno, at Jerry Lyn Laurente (Jose Rizal University); Zonxi Jane Dahab at Joan Doguna (Lyceum of the Philippines University); Jan Gregorio at Reyann Cañete (San Beda); Von Dimaculangan (San Sebastian); at Winnie Bedaña (University of Perpetual Help System).
Last year, ang top four picks ay sina Thea Gagate, Leila Cruz, Julia Coronel at Maica Larroza mula La Salle.