SUGATAN ang 47-anyos na tricycle driver nang pagsasaksakin ng kababata niya noong Lunes sa Malabon City.

Isinugod sa Tondo Medical Center si alyas Niyoki at naaresto ng mga tauhan ni Malabon police chief P/Col. Kenneth Mission ang suspek na si alyas Ome, ayon sa report.

Sa ulat kay Northern Police District (NPD) director P/BGen. Benliner Capili, nakaupo sa tricycle ang biktima dakong alas-2:00 ng hapon sa Brgy. Longos nang pa-traydor siyang undayan ng tatlong saksak sa katawan ng suspek.

Patuloy ang pag-iimbestiga ng mga pulis upang matukoy ang motibo ng suspek sa pananaksak.

Tumangging magsalita ang suspek tungkol sa pananaksak sa kanyang kababata.