INARESTO ng mga barangay tanod at ex-o ang isang 44-anyos na lalaki matapos maaktuhan ng kuya ng biktima ang ginagawa umanong kalaswaan ng suspek sa15-anyos na dalagita sa Purok 3,Isla Puting Bato Brgy 20,Tondo Manila, Martes ng umaga.

Kinilala ang suspek na si alyas Ricky.

Ayon sa ulat ng pulisya, bandang alas 6;20 ng gabi nang arestuhin ang suspek matapos magsumbong ang ina ng biktima sa mga tanod at opisyal ng barangay.

Base sa salaysay ng biktima, habang natutulog siya ay napansin niyang may humawak sa kanyang kaselanan. Nang makita niya ang suspek ay nababala umano nito ng, “Wag kang mag susumbong at wag kang maingay.”

Pumasok umano sa kuwarto ang kuya ng biktima at nakita ang ginagawa ng suspek.

Dito nagsimula ang kaguluhan sa loob ng bahay.

Agad na nagtungo ang ina ng biktima sa barangay hall upang isumbong ang sspek. Agad nagsagawa ng follow up operation ang mga tauhan ng MPD Delpan PS 12 sa PCP 2 at inaresto ang suspek.