CAMP BGEN PACIANO Rizal–Bumagsak ang 48-anyos na lalaki sa kamay ng mga otoridad nang mahulihan ng shabu sa buy-bust ng Provincial Drug Enforcement Unit at San Pablo City police noong Huwebes sa Brgy. Sto Nino, San Pablo City at nakuha sa kanya ang mahigit P1 milyon shabu.

Kinilala ni Laguna police director, P/Col. Jonar Yupio ang suspek na si alyas Edwin.

Nagkasa ang mga miyembro ng San Pablo police ng buy-bust operation bandang alas-4:05 ng hapon sa Brgy. Sta. Niño, San Pablo City, Laguna at naaresto ang suspek.

Nakumpiska sa suspek ang 200 gramo ng shabu na may standard price na P1.36 milyon.

Nasa kustodiya ng San Pablo police ang arestadong suspek habang inihahanda ang mga kaukulang dokumento para sa mga isasampang kaso laban sa suspek.