STA. CRUZ, LAGUNA–Iti-nurnover ni Gov. Sol Aragones ang bagong ambulansya sa Jose Rizal District Hospital sa Calamba City na patunay ng pagtutok ng pamahalaang panlalawigan sa pagpapabuti ng mga ospital sa lalawigan.

Kasama ni Gov. Aragones sa turnover sina Dr. Odilon Inoncillo, Officer-in-Charge ng Provincial Health Office, at Dr. Petersan Uy, chief of hospital ng Jose Rizal District Hospital.

“Clear po ‘yan, wala pong bayad. Libre ang paggamit ng ambulansya,” ani Gov. Sol Aragones. Ayon sa kanya, kabilang ang ambulansya sa mga pangunahing pangangailangan ng ospital.

Inatasan niya si Dr. Inoncillo na ilista ang iba pang mahahalagang pangangailangan ng mga district hospitals upang unti-unting matugunan gamit ang buwis ng mamamayan.