ARESTADO ang isang babae ng mga ahente ng National Bureau of Investigation-Central Luzon Regional Office dahil sa paglabag sa Presidential Decree No.1727 (Bomb Prank Law).

Inaresto si alyas Sheila, 21, sa Angeles City, Pampanga, ayon kay NBI Director Jaime Santiago.

Humingi ng tulong ang lokal na pamahalaan ng Pandan, Angeles City, Pampanga sa NBI-CELRO kaugnay ng maraming bomb threat na ginawa laban sa ilang paaralan at unibersidad sa Pampanga.

Ipinaalam ang mga threat sa pamamagitan ng social media at internet ngunit kalaunan ay natukoy na ang mga banta ng bomba na ito ay mga panloloko.

Kinilala ang gumagamit ng social media na si alyas April, 21, sa Angeles City, Pampanga.

Noong Oktubre 13 nahuli ng mga ahente ng NBI-CELRO ang suspek sa kanyang tirahan at narekober ang mobile phone ng suspek na sumailalim sa on-site digital forensic examination. Ang mga resulta naka-link sa mga pagbabanta ng bomba, naka-log in at aktibo ang telepono sa mga ginawang threat.