MAHIGPIT ang pagbabantay ng Philippine Coast Guard (PCG) upang matiyak ang kaligtasan at seguridad ng mga biyahero ngayong Undas 2025.

Humigit-kumulang 400 pasahero ang dumating sa Manila North Port Passenger Terminal noong Nob 1 bilang bahagi ng pagdagsa ng mga adalaw sa kanilang mga yumaong mahal sa buhay.

Nananatili ang masusing pagbabantay ng PCG sa lahat ng pantalan sa bansa.

Sa kabuuan, nasa 53,638 outbound passengers at 52,122 inbound passengers ang dumaan sa mga ports nationwide.

Umabot naman sa 5,350 frontline personnel mula sa 16 PCG districts ang naka-deploy.

Para sa mga tanong, kumontak sa Coast Guard Public Affairs Service (CGPAS) sa 0927-560-7729.