TATLONG miyembro ng pamilya ang nasawi matapos na salpukin ng hauler truck na kargado ng tubo ang sinasakyang van ng mga ito nitong Huwebes sa Pangantucan, Bukidnon.

Nakilala ang mga nasawi na sina Argon Bangit, asawa nitong si Sonia at pamangkin na menor de edad na si Shammah Jyra Mendoza Sumalinog.

Patungo ang truck sa isang sugar mill sa bayan ng Bukidnon nang aksidenteng salpukin nito ang van kung saan nakasakay ang mga biktima.

Sa lakas ng salpukan, wasak ang van at halos mahulog sa tulay n Pangantucan habang bumaliktad naman ang hauler truck.

Sa inisyal na imbestigasyon ng Pangantucan Municipal Police Station, posibleng nawalan ng kontrol sa manibela ang isa sa mga driver ng mga nasangkot sa banggaan kaya’t nangyari ang aksidente.

Patuloy ang imbestigasyon sa aksidente.