PINANGUNAHAN nina Department of Tourism (DOT) Secretary Christina Garcia Frasco at US Ambassador to the Philippines Marykay Carlson ang paggunita ng Veterans Day sa Manila American Cemetery and Memorial sa Taguig City noong Lunes.

Itinampok sa seremonya ang pagtatanghal ng Armed Forces of the Philippines (AFP) at US Marine Corps Detachment, ang pag-awit ng mga pambansang awit ng Pilipinas at US, ang paglalagay ng korona, isang sandali ng katahimikan at benedisyon upang parangalan ang sakripisyo ng mga sundalong Amerikano at Pilipino.

Kasama sa iba pang mga panauhin na sumaksi sa seremonya sina Department of Agriculture (DA) Secretary Francisco Tiu Laurel Jr., Presidential Assistant for Maritime Concerns (PAMC) Secretary Andres C. Centino, Anti-Red Tape Authority (ARTA) Secretary Ernesto V. Perez, Department of National Defense (DND) Undersecretary Irineo Espino, na nagbigay ng keynote address at Philippine Veterans Affairs Office (PVAO) Undersecretary Reynaldo B. Mapagu.