Calendar

Vietnamese nat’l sinaksak sa leeg, likod ng tinderong siningil niya sa utang
SUGATAN ang 36-anyos na Vietnamese national nang saksakin sa leeg at likod ng vendor na sinisingil niya ng utang sa Quezon City.
Kinilala ang biktima na si Nguyen Van Tu, 36, negosyante, at nakatira sa Dela Costa Homes 1, Barangka, Marikina City.
Arestado naman ang suuspek na si alias Verdal, 35, vendor ng Litex Market, sa nasabing barangay.
Sa report ng Criminal Investigation and Detection Unit ng Quezon City Police District (CIDU- QCPD), bandang alas 12:30 ng hapon nang maganap ang insidente sa loob ng comfort room ng Litex Wet Market, sa Brgy. Commonwealth, Quezon City.
Batay sa imbestigasyon ni P/MSg. Rainier Robert Abundo, bago ang insidente, nagtungo ang biktima sa G-1 stall sa loob ng Litex Wet Market upang mangolekta ng bayad sa utang mula sa suspek.
Dahil sa wala pa umanong benta, sinabihan ng suspek ang biktima na bumalik na lamang ito kinabukasan.
Pagbalik ng biktima, isinama siya ng suspek sa comfort room at doon sinaksak ang negosyane sa leeg at sa iba’t- ibang bahagi ng katawan.
Bagamat sugatan, nagawang makatakas ng negosyante at humingi ng tulong sa mga opisyal ng Barangay Commonwealth at isinugod ito sa Rosario Maclang Hospital kung saan siya patuloy na inoobserbahan.
Agad namang nadakip ang suspek na nagtago ang suspek sa kanyang mga kaanak sa Maypajo Brgy. 28, Caloocan City.