CAMP OLIVAS, San Fernando, Pampanga–Laglag sa kamay ng mga pulis kamakailan ang lalaking suspek sa pagpatay sa Leyte sa isang operasyon sa Brgy. Poblacion, Bustos, Bulacan.

Sa ulat kay Police Regional Office (PRO)-3 director Brig. Gen. Ponce Rogelio Peñones Jr., nahuli si alyas Idoy, 32, ng tracker team na binubuo ng mga tauhan ng Bustos police, Bulacan Police Intelligence Unit at Regional Intelligence Unit 8.

Nahaharap sa serye ng mga arrest warrants ang suspek para sa pagpatay, lahat ay walang inirekomendang piyansa, na nagmumula sa maraming kaso sa Leyte.

Pinuri ni Penones ang mga operating team sa paghuli sa suspek.