INIULAT ng Civil Aviation Authority of the Philippines (CAAP) ang karagdagang pagkaantala ng mga biyahe bandang ala-1:00 ng hapon dahil sa masamang panahon dulot ng southwest monsoon.

Kabilang sa mga may kanseladong byahe ang Cebu Pacific Air, Cebgo, at Philippine Airlines partikular sa mga rutang papunta at pabalik ng Hanoi, Cebu, Bicol, Caticlan, Iloilo, Davao, Bacolod, Tacloban, Tuguegarao, General Santos, Laguindingan at Naga.

Na-divert naman ang mga sumusunod na byahe: CEB193 mula Cauayan patungong Maynila diverted sa Clark; APG608 mula Bacolod patungong Maynila diverted sa Iloilo; MEDIC5157 (Private flight) mula Mactan patungong Maynila bumalik sa Mactan

Umabot pa sa 30 biyahe ang kinansela, ayon sa CAAP.