CAMP BGEN Paciano Rizal–Nalambat ang lalaking akusado ng rape at lascivious conduct sa San Pedro City, Laguna noong Huwebes, ayon kay Laguna police provincial director PCol. Ricardo Dalmacia.

Sa ulat ng San Pedro City police, nahuli si alyas Alexander ng Warrant Operatives/Trackers Team dakong alas-12:30 ng tanghali sa Brgy. Poblacion, San Pedro City, Laguna.

Ikinasa ang manhunt sa bisa ng warrant of arrest na inilabas ng Regional Trial Court, Branch 169, San Pedro City, Laguna na nilagdaan ni Judge Nida Tabuldan-Gravino.

Nahaharap ang akusado sa kasong qualified rape by sexual assault (6 counts) at lascivious conduct (3 counts).

Kasalukuyang nasa kustodiya ng San Pedro police ang arestadong akusado.