WALANG pasabog na pahayag si Willie Revillame sa live episode ng show niyang Tutok To Win last Monday kung kailan bumalik silang mag-show sa GMA Studio.

Isa kami sa mga nag-abang sa sasabihin ni Willie matapos lumabas ang balitang hanggang February 11, Friday, na lang ang show niya sa GMA at sa February 15 ay tapos na ang kontrata nito.

Maging ang balitang sa Villar broadcasting network siya lilipat, eh, nganga rin ang manonood sa pagtikom ng bibig ni Willie.

Sundot lang niya nang malamang Valentine’s Day na sa February 14, “Nagdurugo ang puso ko!”

Pero wala siyang rason kung bakit, huh!

The show must go on kay Willie and bale huling linggo niya sa Kapuso network. Namigay siya ng tulong at kapag nagbabasa ng text, sinabi niyang nag-iiyakan ang texters niya.

Abang-abang na lang tayo sa Friday kung may malaking pasabog si Willie.

JUDAY AT RYAN, PROUD PARENTS SA VAXX CENTER

MALAKAS ang loob ng mga anak nina Judy Ann Santos at Ryan Agoncillo na magpabakuna laban sa COVID-19.

Proud mama and papa sina Juday at Ryan sa tapang ng dalawang anak.

Ayon sa Instagram post ni Ryan, “There are cocomelon mascots, anna and elsa cheering the kids during the jab.”

Naging bonus naman kay Ryan ang magpa-booster shot na rin siya. Binigyan pa raw ng balloons ang mga anak.

Kaya si Ryan, saludo sa ginawa ng frontliners para sa mga batang nagpabakuna. Ni Ian Farinas