SA ikasiyam na anibersaryo ng 2016 United Nations Convention on the Law of the Sea (UNCLOS) Arbitral Ruling, inulit ng mga miyembro ng House Young Guns na sina Reps. Paolo Ortega, Zia Alonto Adiong, Jay Khonghun at Lordan Suan ang kanilang pagsuporta sa foreign policy ni Pangulong Ferdinand “Bongbong” Marcos Jr., kasabay ang kanilang paggiit na hindi dapat isuko ng bansa ang West Philippine Sea (WPS).

Nanawagan din ang mga miyembro ng Young Guns sa mga Pilipino na makiisa sa laban kontra sa maling impormasyon na ipinapakalat upang pahinain ang posisyon ng gobyerno sa WPS at protektahan ang katotohanan kaugnay ng karapatan ng bansa sa karagatang sakop nito.

Ang 2016 UNCLOS Ruling ay isang makasaysayang tagumpay na kinikilala ang karapatan ng Pilipinas sa WPS at ibinabasura ang pag-angkin dito ng China.

“The UNCLOS Ruling is our clear proof that the West Philippine Sea belongs to us. We stand with President Marcos to protect it, but we must stop lies that mislead our people,” ani Ortega.

“This is about our fishermen and their families. We’re fighting for them by spreading the truth, not confusion,” pahayag niya.

Dagdag pa ni Ortega, “These laws are our firm stand to safeguard our seas, ensuring every Filipino’s right to our waters is protected. They’re a promise to our fisherfolk and coastal communities that their livelihoods and our nation’s future are secure under the rule of law.”

Ang pahayag na ito ay tugon sa sinabi ni Foreign Ministry spokesperson Lin Jian ng China na ang UNCLOS Ruling ay isang “piece of waste paper” na “illegal, null and void, and non-binding.”

Ayon sa Young Guns, ito ay isang tahasang pagtatangka na pahinain ang international law at ang lehitimong karapatan ng Pilipinas, kaya’t lalo pang lumalakas ang pangangailangang labanan ang mga kasinungalingang ito gamit ang katotohanan at pagkakaisa.

Sa ilalim ng pamumuno ni Speaker Martin Romualdez, ipinasa ng ika-19 na Kongreso ang dalawang mahalagang batas: ang Philippine Maritime Zones Act (Republic Act 12064) at ang Philippine Archipelagic Sea Lanes Act (Republic Act 12065). Ang mga batas na ito ang nagtatakda at nangangalaga sa karagatang sakop ng Pilipinas at sa mga karapatang kaugnay nito.

Nakatuon ang Young Guns sa paglaban sa disimpormasyon na nagbabanta sa pambansang pagkakaisa sa usapin ng WPS.

Ayon kay Adiong, “Lies about our seas divide us. We’re working to share honest information so Filipinos stand united.”

“Disinformation weakens our fight and sows confusion among our people. We’ll keep pushing facts to strengthen our nation’s resolve, ensuring every Filipino understands the truth about our rights in the West Philippine Sea and stands proudly with us to defend our sovereignty,” dagdag pa ni Adiong.

Ayon naman kay Khonghun, “The Filipino people are behind us! In fact, 73% of Filipinos said they support the government’s defense of the Philippines’ rights in the West Philippine Sea per the 2016 Ruling.” Ito’y batay sa isinagawang Pulse Asia Survey noong Hunyo 26–30, 2025.

Bilang pagtatapos, sinabi ni Suan, “As we honor the UNCLOS Ruling, we vow to fight disinformation and protect our sovereignty. The Young Guns will ensure the truth about the West Philippine Sea prevails.”