ISA ang sugatan sa dalawang sunog na sumiklab sa San Andres, Manila noong Huwebes.

Unang sumiklab ang sunog sa 2-storey residential area sa San Francisco St., San Andres Bukid alas-10:53 ng umaga at umabot sa ikatlong alarma.

Natupok ang bahay ng apoy at nalapnos ang paa ng may-ari na si Aival Abiva.

Idineklarang fire out ang sunog alas-11:50 ng umaga.

Umabot sa P1.2 milyon ang halaga ng ari-ariang natupok ng apoy sa unang sunog.

Makalipas ang ilang oras, nasunog naman ang isa pang residential area sa Concha St., Dagonoy, San Andres Bukid.

Umabot sa ikatlong alarma ang sunog.