SWAK sa rehas na bakal ang dalawang lalaki dahil sa dalang 11 gramo ng shabu sa Sigay St. corner Quezon Blvd, Brgy. 394 Quiapo, Manila noong Sabado.

Nakilala ang mga suspek na sina alyas Jomar, 37; at Ima, 56.

Ayon sa kay Police Lieutenant Colonel Arwen Nacional, hepe ng Manila Police District-Barbosa Police Station 14, bandang alas-11:50 ng gabi nahuli ang dalawa.

Nagpanggap bilang poseur-buyer si PSSg Joseph Paragatos kaya nahuli ang mga suspek.

Dinamba ng mga operatiba ang mga suspek at narekober sa kanilang possession ang tatlo pang sachet na naglalaman ng white crystalline substance na hinihinalang shabu at buy-bust money.

Ang mga suspek ay nahaharap sa kasong paglabag sa RA 9165 at inihahanda na para sa inquest proceedings.