PATAY ang 15-anyos na estudyante ng suntukin ng kagawad ng Sangguniang Kabataan noong Linggo sa Punta, Sta. Ana, Mynila.

Dead-on-arrival sa Sta. Ana Hospital ang biktimang si alyas Alexus ng Brgy. Hulo, Mandaluyong City.

Naaresto ng mga pulis ang suspek na sina alyas Jimeel, 23, SK kagawad, at kasabwat nitong si alyas Mark.

Sa imbestigasyon, dumulog ang biktima sa barangay hall kaugnay sa panununtok ng SK Kagawad sa kanyang kaibigan.

Habang nasa harap ng Barangay hall ang biktima, pinagtulungan pang bugbugin ng mga suspek ang biktima hanggang bumagsak sa semento.

Inawat ng mga opisyal ng barangay ang mga suspek ngunit nagpatuloy pa rin sa pananapak sa biktima hanggang mawalan ng malay.

Dinala sa nasabing ospital ang suspek ngunit hindi na umabot ng buhay.