SUMUKO na sa mga miyembro ng Manila Police District (MPD) ang dalawang umano’y nambasag ng kotse na sina alyas John Paul at John sa Sampaloc, Manila noong Lunes, ayon kay Mayor Francisco “Isko” Moreno Domagoso.

Naganap ang krimen sa Maceda St., Sampaloc noong Pebrero 25.

Sumuko ang dalawa kasunod ng panawagan ni Mayor Isko kasabay ng kanyang pahayag na hindi kukunsintihin sa Maynila ang ganitong krimen.

Sumuko ang unang suspek sa tulong ni Councilor Awi Sia habang ang kasabwat sumuko sa MPD Intelligence Division.

Nanawagan si Mayor Isko sa isa pang suspek na si John Dhenvor Meneses na sumuko na at harapin ang pananagutan sa batas.