NATAGPUAN patay ang dalawang babae noong Huwebes sa Brgy. Salaza, Palauig, Zambales.

Sa ulat kay Police Regional Office 3 director Brig. Ponce Rogelio Penones, kinilala ng Zambales police ang isa sa mga biktima na si alyas Leng-Leng, 24.

Sinabi ni Palauig police chief OIC Capt. Leoven Eduagen na isa sa mga residente sa Purok 5, Brgy. Salaza ang nakarinig ng sunod-sunod na putok ng baril.

Nang magising kinabukasan ang nakarinig, nakita niya ang dalawang babae na may mga tama ng bala ng baril na nakahandusay sa kanal ng tubig malapit sa kanyang bahay.