NASAKOTE noong Huwebes ang apat na suspek sa kasong shoplifting sa Brgy. Paharang West, Batangas City.

Ang pinagsamang operasyon ng Rosario police, sa ilalim ni P/Lt. Col. Ronie Siriban, Officer-in-Charge, at Taysan police nagresulta sa pagkakaaresto sa mga suspek na sina alyas Vyron, 38; Kristof, 34; Mary, 43; at Gemarie, 50

Pinasok ng mga suspek ang Dali grocery sa Brgy. Bagong Pook, Rosario, Batangas.

Sa imbestigasyon, bandang alas-7:00 ng gabi pumasok sa nasabing grocery ang mga suspek at tinangay ang humigit-kumulang sa P5,000 na halaga ng toiletries at groceries bago tumakas sakay ng puting Mitsubishi Adventure (XCW 367).

Nakorner ang apat na indibidwal at tuluyang nahuli katulong ang mga pulis-Taysan.