MAHIGIT 400 na batang lalaki ang natulian sa Oplan Libreng Tuli 2026 noong Biyernes sa Aguilar Sports Complex sa Las Pinas.

Sa pangunguna ng City Health Office, naging ligtas at organisado ang pagtutuli sa mga batang lalaki sa tulong ng mga volunteer doctors, nurses, midwife, sanitation officers at barangay health workers.

Bukod sa pagtutuli, binigyan rin ang mga natulian ng mga libreng gamot na iinumin upang hindi mangamatis at para sa kanilang mabilis na paggaling.

Sa pamumuno ni Mayor April Aguilar, Las Piñas ay patuloy na naghahatid ng mga programang kapaki-pakinabang sa bawat Las Piñero.