IBINALITA ni Police Regional Office (PRO)-5 director Brigadier General Nestor C. Babagay Jr. na apat na drug suspek ang nahuli at nakuhanan ng 800 gramo ng shabu na nagkakahalaga ng P5.44 million noong Martes.

Natiklo sa Brgy. New San Roque, Pili, Camarines Sur sina alyas Annie Rose, 36; Manny, 45; Kyle, 26; at Dante, 27.

Mga undercover officers ng PRO5 Regional Drug Enforcement Unit, Camarines Sur Police Provincial Office, the Pili Municipal Police Station at Philippine Drug Enforcement Agency ang humuli sa 4.

Nakuha mula sa kanila ang 100 gramo ng shabu na may value na P680,000, ayon sa ulat.

Bukod dito, nasamsam din mula sa 4 ang 700 grams ng shabu na may halagang P4.760 million.

Kakasuhan sila ng paglabag sa RA 9165 o ang Comprehensive Dangerous Drugs Act of 2002.

“We’re still conducting follow-up operations to identify and arrest the main source of the drugs recovered from the suspects,” ayon kay Brig. Gen. Babagay.