MAYORYA ng mga estudyante sa kolehiyo ang pabor na matanggal sa posisyon si Vice President Sara Duterte, ayon sa survey na isinagawa ng Centre for Student Initiatives (CSI).

“The survey results indicate widespread dissatisfaction among young Filipinos with Vice President Duterte’s leadership, particularly her lack of accountability and perceived dishonesty, especially concerning her office’s confidential funds,” sabi ni Maria Aquino, ang CSI Director for Operations.

Noong Pebrero 5 ay in-impeach ng Kamara de Representantes si Duterte kaugnay ng mga alegasyon ng katiwalian, korapsyon, bantang pagpapapatay kay Pangulong Ferdinand Marcos Jr. at iba pang paglabag sa Konstitusyon.

Umabot sa 215 kongresista ang lumagda sa impeachment complaint laban kay Duterte, lagpas sa kinakailangang 102 o one-third ng kabuuang bilang ng mga kinatawan sa Kamara.

Sa CSI survey, 1,696 sa 2,000 respondents o 84.4 porsiyento ang sumagot ng pabor sa tanong na, “Do you believe Sara Duterte should be removed from office?”

“Though it is nice that we were able to confirm it, the results are somehow expected. Previous surveys, including student mock polls conducted ahead of the 2022 vice presidential elections, gave us a glimpse of how the youth perceive Sara Duterte’s leadership or lack thereof,” ani Aquino.

Ayon din sa resulta ng survey, 73.9 porsiyento o 1,477 sa 2,000 ang pabor na balangkasin ang impeachment trial bago ang eleksyon sa Mayo.

Pinangunahan ng CSI ang pagsasagawa ng online survey mula Pebrero 28 hanggang Marso 16 gamit ang non-probability sampling.

Ang CSI ay isang youth-led volunteer organization na nagsusulong ng student-driven at solution-oriented research sa bansa.