CAMP TOLENTINO, Bataan — Isang dating member ng Communist Front Organization (CFO) sa Balanga City ang sumuko noong Linggo sa mga pulis, ayon kay Col. Marites Salvadora, Bataan police director.

Ang pagsuko ng CFO ay bunga ng pagsusumikap ng kapulisan na wakasan ang local communist armed conflict.

Ayon kay Col. Salvadora, ang naturang pagsuko ay bunga ng pinagsamang inisiyatiba ng mga pulis at militar.

Isinuko ng CFO ang kanyang 12-gauge modified shotgun, na “manifestation of his full withdrawal of support from the left leaning group,” ayon kay Salvadora.

Hinimok ni Col. Salvadora ang mga iba pang rebelde kung meron man na magbalik loob na sa Pamahalaan upang mabuhay ng tahimik at mapayapa.