SUSPENDIDO ang number coding scheme sa Metro Manila mula Nobyembre 16 hanggang 18, 2026, para sa 49th Association of Southeast Asian Nations (ASEAN) Summit and Related Summits.

Ito ang inihayag ni Metropolitan Manila Development Authority (MMDA) Traffic Enforcement Group Director Victor Nuñez matapos ideklara ng Malacanang na special non working holiday ang tatlong araw na Summit.

Magde-deploy din ng 2,637 personnel ang MMDA mula Nob. 13 hanggang 19, kabilang ang traffic enforcers , street sweeper, miyembro ng Road Emergency Group at mga accredited towing truck na naka-preposition sa kahabaan ng ASEAN at ceremonial routes.

Pinaghahanda rin ang mga motorista sa mga panandaliang stop-and-go traffic habang dumadaan ang mga convoy na may sakay na heads of state at iba pang delegado.