CAMP PRES. ELPIDIO QUIRINO, Ilocos Sur — Ipinalalagay na tahimik ang lalawigang ito dahil sa kampanya kontra droga at kriminalidad ng Ilocos Sur Police Provincial Office (ISPPO), ayon kay Col. Agosto Asuncion, ang police director.

Pinuri si Asuncion dahil sa kanyang kampanya laban sa kriminalidad upang maging isa sa mga pinaka-safe na lugar ang Ilocos Sur.

Ang pagpuri ng mga Ilocano ay kasunod ng province-wide law enforcement drive na isinagawa na nagresulta sa pagkakaaresto ng top wanted persons, recovery ng loose firearms at pagkakahuli ng iba’t ibang drug personalities.

Base sa official records mula sa ISPPO, nakapagtala ng “string of successful operations across different municipal stations” ang mga pulis sa lalawigan.

“The PNP Ilocos Sur is relentless in its drive under the able leadership of Provincial Director Col. Agosto Asuncion. The public is assured that the police will always be ready to respond and help the people, and they must not hesitate to call us for assistance,” ani Police Lieutenant Reynald Ramos ng Narvacan police.