𝗠𝗨𝗟𝗜𝗡𝗚 𝗻𝗮𝗴𝗽𝗮𝗮𝗯𝗼𝘁 𝗻𝗴 𝘁𝗮𝗼𝘀-𝗽𝘂𝘀𝗼𝗻𝗴 𝗽𝗮𝗴𝗯𝗮𝘁𝗶 𝗮𝗻𝗴 𝗸𝗶𝗹𝗮𝗹𝗮𝗻𝗴 “𝘀𝗽𝗼𝗿𝘁𝘀𝗺𝗮𝗻” 𝗮𝘁 “𝘀𝗽𝗼𝗿𝘁𝘀 𝗲𝗻𝘁𝗵𝘂𝘀𝗶𝗮𝘀𝘁𝘀” 𝗻𝗮 𝘀𝗶 𝟭-𝗣𝗔𝗖𝗠𝗔𝗡 𝗣𝗮𝗿𝘁𝘆 𝗟𝗶𝘀𝘁 𝗖𝗼𝗻𝗴. 𝗠𝗶𝗰𝗵𝗮𝗲𝗹 “𝗠𝗶𝗸𝗲𝗲” 𝗟. 𝗥𝗼𝗺𝗲𝗿𝗼, 𝗣𝗵.𝗗., 𝗽𝗮𝗿𝗮 𝘀𝗮 𝗺𝗴𝗮 𝗣𝗶𝗹𝗶𝗽𝗶𝗻𝗼𝗻𝗴 a𝘁𝗹𝗲𝘁𝗮 𝗻𝗮 𝗹𝘂𝗺𝗮𝗵𝗼𝗸 𝘀𝗮 𝗸𝗮𝘁𝗮𝘁𝗮𝗽𝗼𝘀 𝗽𝗮 𝗹𝗮𝗺𝗮𝗻𝗴 𝗻𝗮 𝟮𝟬𝟮𝟰 𝗣𝗮𝗿𝗶𝘀 𝗦𝘂𝗺𝗺𝗲𝗿 𝗢𝗹𝘆𝗺𝗽𝗶𝗰𝘀 𝘀𝗮 𝗽𝗮𝗻𝗴𝘂𝗻𝗴𝘂𝗻𝗮 𝗻𝗴 𝘁𝘄𝗼-𝘁𝗶𝗺𝗲 𝗚𝗼𝗹𝗱 𝗺𝗲𝗱𝗮𝗹𝗶𝘀𝘁 𝗻𝗮 𝘀𝗶 𝗖𝗮𝗿𝗹𝗼𝘀 “𝗖𝗮𝗹𝗼𝘆” 𝗬𝘂𝗹𝗼 𝗱𝗮𝗵𝗶𝗹 𝘀𝗮 𝗸𝗮𝗿𝗮𝗻𝗴𝗮𝗹𝗮𝗻𝗴 𝗻𝗮𝗶𝗯𝗶𝗴𝗮𝘆 𝗻𝗶𝗹𝗮 𝗽𝗮𝗿𝗮 𝘀𝗮 𝗣𝗶𝗹𝗶𝗽𝗶𝗻𝗮𝘀.

Ayon kay Romero, chairperson ng House Committee on Poverty Alleviation, maituturing na isang napakalaking karangalan ang nakamit na tagumpay nina Yulo at mga kapwa nito Altleta dahil sa ipinamalas nilang dedikasyon upang mapagtagumpayan ang mga pagsubok na hinarap nila sa Paris Olympics.

Paliwanag ni Romero, dahil sa karangalang naibigay nina Yulo, EJ Obiena at Bianca Pagdanganan para sa kanilang bansa, muli na namang naitaas ang dangal ng mga Pilipino at naipakita din sa buong mundo na walang sinusukuang hamon ang mga Pilipino sa gitna ng mga mabibigat na pagsubok.

Pagdidiin pa ng kongresista na ang ipinamalas na karakter nina Yulo at kapwa nito atleta sa kalagitnaan ng kompetisyon ay magsisilbing inspirasyon para sa mga Pilipinong kabataan na naghahangad na sundan ang kanilang yapak sa mga darating na panahon.

Ikinagalak din ni Romero ang ginawang pagpapatibay ng Kamara de Representantes sa tatlong House Resolution na nagpapa-abot ng pagbati at kumikilala sa double Olympic Gold Medal winner na si Yulo, kasama na ang gronze medalists na sina Nesthy Alcayde Petecio at Aira Cordero Villegas at iba pang mga Atleta.