ANG global running phenomenon na Rock ‘n Roll Running Series sa Manila ang magiging tampok na talakayan sa Philippine Sportswriters Association (PSA) Forum sa Rizal Memorial Sports Complex ngayong darating na Martes.

Sina Princess Galura, president at general manager ng Sunrise Events Inc. – na bahagi ng Ironman Group – at race director Julian Valencia ang mangunguna sa talakayan patungkol sa running, music, at community.

Makakasama din nila sa 10:30 a.m. session sina Charlie Dungo, department head ng Department of Tourism, Cultural and Arts Manila, at Rina Reganit, marketing manager nf Alveo Land Inc.

Ang forum ay itinataguyod ng San Miguel Corporation, Philippine Sports Commission, Philippine Olympic Committee, MILO, Smart/PLDT, at ang 24/7 sports app ArenaPlus.