DALAWANG babaeng sangkot sa pagbebenta ng ipinagbabawal na gamot ang nadakip ng mga tauhan ng Philippine Drug Enforcement Agency at Philippine National Police sa isang buy-bust sa Quezon City noong Huwebes.

Isa sa mga akusado kinilala sa alyas na Lei, 34, at kanyang kasabwat na isang menor-de-edad.

Sa ulat ng PDEA na pinamumunuan ni Director General Isagani R. Nerez, nakuhanan ng halos 500 gramo ng shabu na may halagang P3.4 million at ang buy-bust money ang dalawang nahuli.

Nadakip ang dalawa isa isang entrapment ng PDEA National Capital Region at Quezon City Police District Station 1 sa harap ng isang botika sa EDSA-Balintawak sa Brgy. Apolonio Samson bandang alas-4:50 ng hapon.