PANG-ANIM ang Bataan Peninsula State University (BPSU) sa magaling na mga schools na may 100-299 examinees kaya idineklarang “one of the top-performing schools nationwide,” ayon kay BPSU president Dr. Ruby B. Santos- Matibag.

Sa 170 estudyante dito na kumuha ng board para maging license professional teachers, 15 lamang ang hindi nakapasa.

Katumbas ng 91.89% institutional passing rate ang nakuha ng school.

Inihayag ng Professional Regulation Commission (PRC) at ng Board for Professional Teachers (BPT) na ang top seven sa “100 to 299” examinees ang Philippine Normal University (PNU), North Luzon, Visayas and Mindanao na nakakuha ng 100 percent passing rate.

Second ang Visayas State University (Baybay) sa 98.63%, West Visayas State University (La Paz), 98.45 %; Pamantasan ng Lungsod ng Maynila na ranked, 94.64%; Bacolod State College, 93.14%; BPSU (Balanga City), 91.89%; at Carlos Hidalgo Memorial State University (Talisay), 91.74%.

I-nanounce ng Professional Regulation Commission (PRC) at Board for Professional Teachers (BPT) na 16,282 elementary teachers (46.77%) at 38,747 secondary teachers ang pumasa sa Licensure Examination for Professional Teachers (LEPT) noong March 23.

Binubuo nina Dr. Rosita L. Navarro, chairman; Dr. Paz I. Lucido, Vice Chairman; Dr. Paraluman R. Giron, member, ang Board for Professional Teachers.

Noong Abril, natamo ng BPSU ang 100% passing rate sa Midwifery Licensure Examination dahil lahat ng 82 examinees doon pumasa.

Napuri si BPSU President and concurrent College of Midwifery Dean Ruby Santos Matibag dahil sa “competent leadership.”

Topnotchers sina Rona Marie V. Ramos, 92.60%; Arian R. Villaganes, 92.2%; at Roberto Sibugan Jr., 91.95%.

Iniulat ng PRC na 1,975 out of 3,444 examinees nationwide ang nakapasa sa April 2025 exam para sa national passing rate na 57.35%.