PATAY ang 65-anyos na lalaki noong Sabado ng pagbabarilin ng hindi pa nakikilala at nakatakas na mga suspek sa Sitio Paligui, Sto. Rosario, San Luis, Pampanga.

Sa ulat kay Police Regional Office (PRO)-3 director Brig. Gen. Ponce Rogelio Peñones Jr., nakilala ang biktima na si Enrico Dantes Manaloto.

Sinabi ng mga kapitbahay sa mga pulis na nakarinig sila ng ilang putok ng baril at nakita na lang nila ang biktima na nakahandusay at puno ng dugo.

Isinugod ng mga rumespondeng pulis ang biktima sa San Luis District Hospital kung saan siya idineklarang dead-on-arrival.