CAMP MIGUEL C Malvar–Naaresto ang isang suspek sa droga sa Brgy. Alangilan, Batangas City noong Martes.

Kinilala ni P/Lt. Col. Ira Morello, hepe ng pulisya, ang nahuli na si alyas Lando, 51.

Siya ay nahuli matapos magbenta ng hinihinalang iligal na droga sa isang undercover na operatiba.

Narekober mula sa suspek ang 100 gramo ng shabu na may tinatayang halaga na P680,000, P200,000 buy-bust money, 199 na piraso ng pekeng salapi, body bag, cellphone at cash money.

Naghahanda na ang mga pulis ng mga kinakailangang dokumento para sa pagsasampa ng angkop na kasong kriminal sa suspek.