JAEN, Nueva Ecija–Libu-libong high school students ang lumahok sa “Jaen Youth Day 2025” kasabay ng pagdiriwang ng National Heroes’ Day nitong Lunes.

Nanguna si Mayor Sylvester Austria sa aktibidad na kinabibilangan ng tree-planting, road clearing, drainage cleaning, repainting of fence, school clean-up at discussion sa mga mag-aaral tungkol sa garbage disposal, climate change at dangers of online gambling.

Hinati ang mga participants sa magkakahiwalay na grupo at idineploy sa anim na istasyon sa Jaen West Central School, Jaen National HS, municipal public cemetery, Jaen-San Leonardo Bridge at sa Jaen-San Leonardo to Dakki road.

Lumahok sa activity sina Councilors Josie Angeles, Tony Ocampo, Archie Cruz at Norman Velarde, mga pulis, Philippine Army’s 7th Infantry Division, Bureau of Fire Protection-Jaen at mga religious groups.

“Hindi po totoo na ang mga kabataan ngayon ay puro lang cellphone, hindi po totoo na ang mga kabataan ngayon ay puro panliligaw lang, at hindi po totoo na ang mga kabataan ngayon ay matitigas ang ulo,” sabi ni Austria.