MAHIGIT 1,500 benepisyaryo ang nakinabang sa People’s Caravan: Serbisyong Dala ay Pag-asa ng National Housing Authority (NHA) sa Mandaue City Sport Complex, Mandaue City, Cebu kamakailan.

Mula sa mga pabahay ng NHA sa Mandaue at Cebu at karatig-lugar nito ang dumalo sa ika-31 caravan na nagsimula noong 2023.

Inisyatibo ni NHA General Manager Joeben Tai ang caravan na nakapagsilbi na sa mahigit 57,000 na benepisyaryo.

Pinangunahan ni NHA Assistant General Manager Alvin S. Feliciano, kasama rin sa aktibidad sina NHA Region 7 Regional Manager Engr. Hermes Jude D. Juntilo at Cebu District Officer-in-Charge Engr. Dante U. Estrobo ang caravan sa Cebu.

Dumalo rin sa caravan si Mandaue City Councilor Atty. Joel Seno, bilang kinatawan ni Mandaue City Mayor Thadeo Jovito Ouano, kasama ang mga opisyal ng ahensya at ng lokal na pamahalaan, maging si Cebu City Mayor Nestor Archival.

May kabuuang 31 partner agencies ang sumali sa caravan na nag-aalok ng mga produkto at serbisyo.

Sinamantala ng mga kalahok ang pagkakataon para sa basic registration at documentary services mula sa Philippine Statistics Authority (PSA) at PhilSys para sa birth certificate, certificate of no marriage at National ID; ang National Bureau of Investigation para sa NBI clearance; ang Land Transportation Office (LTO) para sa driver’s license; ang Department of Trade and Industry para sa online business registration; at verification ng member profile para sa PhilHealth, Pag-IBIG Fund at Social Security System (SSS).

Nakatanggap ang mga benepisyaryo ng libreng serbisyong medikal at dental, eye checkup at provision ng eyeglasses, libreng gupit, gamot at maintenance medicines, cancer screening, family planning services at mga food packs mula sa Department of Health (DOH), Commission on Population and Development (CPD), Armed Forces of the Philippines (AFP), Philippine National Police (PNP), Philippine National Police (PNP), Philippine Office Red Cross (PRCSO) Foundation. Inc. (RAFI), ang City Health Office ng Mandaue LGU, Paramount, at Bruno’s Barbers.

Nagsagawa ng orientation at job fair ang Department of Labor and Employment (DOLE), Department of Migrant Workers (DMW), Overseas Workers Welfare Administration (OWWA), kasama ang Public Employment Service Office (PESO) ng Mandaue LGU, kasama ang mga lokal na kumpanya at overseas employer.

Isa sa mga highlight ng job fair ay ang mabilis at maginhawang hiring process, kung saan maraming aplikante ang na-hire on the spot.

Ilan pa sa mga serbisyong inihatid ng caravan ay ang libreng legal counsel, document notarization at affidavit preparation mula sa Public Attorney’s Office (PAO); pagbebenta ng farm-to-market produce at pamahahagi ng mga starter kits at seedlings sa pamamagitan ng Department of Agriculture-Agribusiness and Marketing Assistance Service (DA-AMAD); ang Department of Social Welfare and Development (DSWD) para sa kanilang tulong pinansyal para sa 654 pre-registered beneficiaries sa pamamagitan ng Assistance to Individuals in Crisis Situations Program (AICS) na nagkakahalaga ng P654,000; ang Department of Environment and Natural Resources (DENR) para sa information dissemination; at mula sa Department of Information and Communications Technology (DICT) para sa kanilang libreng bandwidth internet connection at ang pagpapakilala ng eGov Superapp, na itinuturing na virtual one-stop shop ng gobyerno.

Nakatakdang magsagawa ang NHA ng dalawa pang people’s caravan ngayong Setyembre para sa mga benepisyaryo sa Davao de Oro at Albay.