CALAPAN CITY--Namigay ng 50 baka noong Miyerkules sa Calapan sa pamamagitan ng Department of Agriculture (DA) at Calapan City Agricultural Services Department sa pamamahala ni Pam Rago.

Mula sa iba’t-ibang barangay sa lungsod ang benepisyaryo ng organic cattle mula sa DA na nagkakahalaga ng P2.2 milyon.

Ang inisyatibong ito ay naisakatuparan sa pakikipagtuwang ng Calapan City sa iba pang government agencies sa pamamahala ni Mayor Doy Leachon.

Layunin ng programang na palakasin ang organikong pagsasaka at higit pang suportahan ang kabuhayan ng mga magsasaka.

Ayon sa mga benepisyaryo, ang programang ito ay malaking hakbang tungo sa mas matatag at produktibong sektor ng agrikultura sa Calapan.