Si Fátima Bosch Fernández ng Mexico ang tinanghal na Miss Universe 2025 sa katatapos lamang na coronation day na ginanap sa Thailand.

Si Fátima, ipinanganak noong May 19, 2000 sa Tabasco, ay lumaking sanay makipagbuno sa mundo. Bata pa lang siya ay nakipaglaban na sa dyslexia, ADHD at hyperactivity, pero hindi siya nagpatalo. Sa halip, ginawa niya itong gasolina para mas umangat: nag-aral sa Vermont, nagtrabaho para sa sustainable fashion sa Mexico City at Milan, at halos sampung taon nang naglilingkod sa mga batang may cancer at sa mga migrante sa pamamagitan ng Ruta Monarca at Corazón Migrante.

Umabot pa sa puntong nag-walkout siya matapos ang isang kontrobersiyal na insidente, dahilan para magsagawa ng internal review ang Miss Universe Organization. Pero nang humingi ng tawad ang pamunuan, pinili ni Fátima na bumalik—mas handa, mas kalmado, at mas sinuportahan ng sambayanan. At iyon ang naging susi sa isa sa pinaka-makapangyarihang comeback sa history ng pageant.

Samantala, Ahtisa Manalo ng Pilipinas ay nagwakas ang Miss Universe journey bilang 3rd runner-up, isang matatag at marangal na pagreretiro mula sa 18 taon niya sa pageant world. Sa panayam niya sa CNN noong Nov. 20, inamin niyang ito na ang huli: panahon na raw para isara ang kabanata.

Aniya, dala niya ang bigat at karangalan ng Philippine sash—at ang alaala ng kanyang lola na nangarap makita siyang maging Miss Universe. “Kung hindi ko itutuloy, para kong binabalewala ang pangarap niya,” sabi ni Ahtisa. “Beauty queens are stories of inspiration.” At iyon ang ibinigay niya—isang kwento ng lakas, pag-ibig, at pagbibigay-pugay.

Sa final placements, 1st runner-up si Praveenar Singh ng Thailand, 2nd runner-up si Stephany Abasali ng Venezuela, 3rd runner-up si Ahtisa Manalo ng Pilipinas, at 4th runner-up si Olivia Yace ng Côte d’Ivoire—isang powerhouse finish ng mga reyna mula iba’t ibang kontinente.