INANUNSYO ng Kalihim-Heneral ng Kamara na si Atty. Cheloy E. Velicaria-Garafil noong Biyernes na pormal na ipinadala ng kanyang tanggapan, noong Huwebes ng hapon, ang dalawang reklamong impeachment na inihain laban kay Pangalawang Pangulo Sara Z. Duterte sa Tanggapan ni Speaker Faustino “Bojie” G. Dy III, alinsunod sa Konstitusyon at sa Mga Alituntunin ng Kapulungan ng mga Kinatawan.

“Matapos matanggap at mapatunayan ang mga reklamo at ang mga kalakip nitong pag-endorso, ipinasa ng Tanggapan ng Kalihim-Heneral ang mga dokumento sa Tanggapan ng Speaker para sa nararapat na aksyon,” pahayag ni Garafil, na binigyang-diin na ang kanyang tanggapan ay gumaganap ng tungkuling ministeryal at administratibo, na laging ginagabayan ng Konstitusyon, ng mga Alituntunin ng Kamara, at ng matagal nang mga umiiral na alituntunin.

Ang unang beripikadong reklamong impeachment laban kay Pangalawang Pangulo Duterte ay inihain ng mga kasapi ng Makabayan Coalition at inendorso nina Party-list Representatives Antonio Tinio ng Alliance of Concerned Teachers (ACT), Sarah Jane Elago ng Gabriela Women’s Party, at Renee Louise Co ng Kabataan.

Kabilang sa mga nagrereklamo mula sa Makabayan sina Francisca “France” Castro, Arlene Brosas, Liza Maza, Atty. Neri Colmenares, Renato Reyes Jr., Raymond Palatino, David Michael M. San Juan, David D. D’Angelo, Modesto Floranda, Ronaldo “Ka Jerome” Adonis, Eufemia Doringo, Jocelyn Andamo, Amirah Ali Lidasan, Jeffrey F. Ranoy, Francisco “Eco” Dangla III, Jandrie Layba, Erlinda Alfonso, Albert G. Pascual, Raymond Basilio, Cathleen Gaea B. de Guzman, Mhing Archie S. Gomez, Tiffany Faith F. Brillante, Francesca Mariae M. Duran, John Lesther Mercader, Sheila Mae L. Cupay, Raven Kristine B. Racelis, Allen Marc D. Ballesteros, Kenneth Alexander Castor, Justine Antonie D. Wagan, Santino Antonius Miguel V. Arroyo, Michael Troy C. Cabangon, John Paul Y. Azusano, Zenaida Soriano, Maria Belinda V. Sevilla, John Andre Malaca Alcala, Geraldine T. Balingit, Aliyah Mikaela C. Cruz, Jomarie Shade E. Bayona, Keith Neil Xavier C. Señido, Aries Lingad Soledad, Lucky E. Oraller, Antonio C. Fajardo, Elizabeth T. Camoral, Mario Q. Fernandez, at Ronnie C. Manalo.

Inendorso ng mga Party-list Representative na sina Leila de Lima ng Mamamayang Liberal at Perci Cendaña ng Akbayan ang ikalawang reklamo sa impeachment na inihain ng mga kinatawan ng mga progresibong organisasyon at mga grupo ng civil society.

Ang mga petisyoner ay sina Francis Joseph Aquino Dee, Sylvia Estrada Claudio, Teresita Quintos Deles, Eugene Louie Gonzales, Ma. Yvonne Christina C. Jereza, Fr. Flaviano Villanueva, Fr. Robert Paguia Reyes, Sister Susan Santos Esmile, Karl Patrick Suyat, Leah Lopez Navarro, Matthew Christian Silverio, dating Kinatawan ng Ifugao na si Teodoro B. Baguilat Jr., Yzekiel Venn L. Rivera, Anna Cubacub, Alicia Murphy, Rowena Amon, at Josua Fred Tolentino Mata.