ITINAAS na noong Martes sa P3,500 kada araw mula sa P3,000 ang bayad ng Maynila sa mga jeepney driver na lumahok sa programang Libreng Sakay ni Mayor Isko Moreno Domagoso.

Tatagal hanggang sa Abril 6 ang subsidy na layuning mabawi ang mahigit P12 na itinaas sa presyo ng diesel.

Ipinaliwanag ni Mayor Isko na naglaan ang lokal na pamahalaan ng P4 milyon sa unang araw ng programa para sa 1,097 na pampasahero jeep pero 1,038 lang ang lumahok kaya’t umabot sa P3,516,000 ang naipamahaging subsidy.

Sa halip na ibalik sa kaban ng bayan ang salapi, idaragdag na lang ito sa mga lumahok na driver noong Martes at sa susunod na tatlong araw sa susunod na linggo.