SUNOD-SUNOD nang dumarating sa Cebu City ang mga lider at kinatawan ng mga bansang miyembro ng Association of Southeast Asian Nations para sa 48th ASEAN Summit at mga kaugnay na pagpupulong.

Unang dumating noong Miyerkules si Myanmar Foreign Ministry Permanent Secretary U Hau Khan Sum, na kumakatawan sa Myanmar—ang tanging bansang hindi pinangunahan ng kanilang head of government ngayong summit.

Kasunod nitong dumating si Hassanal Bolkiah bago lumapag si Ferdinand R. Marcos Jr. matapos ang serye ng official engagements sa Metro Manila.

Inaasahan ding dumating sina Indonesian President Prabowo Subianto, Malaysian Prime Minister Anwar Ibrahim, Singapore Prime Minister Lawrence Wong, at iba pang regional leaders bago ang ASEAN Leaders’ Summit.

Nakatakda ring magkaroon ng bilateral meeting si Marcos kay Vietnamese Prime Minister Lê Minh Hưng sa Shangri-La Mactan.

Pangungunahan din ng Pangulo ang BIMP-EAGA Summit bago ang state dinner para sa ASEAN leaders kasama si First Lady Liza Araneta-Marcos.

Bilang host country ngayong taon, nakatuon ang Pilipinas sa mga usapin ng energy security, food supply, migrant workers, at epekto ng lumalalang tensyon sa Middle East sa ekonomiya ng rehiyon.