BUMISITA kay Philippine Consul General-Texas Gunther Sales ang aktor na si Diether Ocampo sa “Fiesta Ko Sa Texas” noong Agosto 1 sa Bayou City Event Center.

Naging panauhin si Ocampo sa itinuturing na isa sa pinakamalaking pagdiriwang ng kulturang Pilipino sa buong US.

Binigyang-diin ni ConGen Sales ang mga hakbangin ng Konsulado para paigtingin ang ugnayan sa Fil-Am community.

Katuwang ang Commission on Elections, isusulong din sa pagdiriwang ang mas malawak na overseas voter registration para sa 2028 national elections.