AGAD na nailigtas ng mga operatiba ng Eastwood Police Station 12 ang isang babae na nagtangkang tumalon mula sa Ortigas Flyover sa Brgy. Ugong Norte nitong Sabado, bandang alas-7:00 ng umaga.

Ayon sa ulat, nakatanggap ng report ang pulisya mula sa mga concerned motorcycle riders na dumadaan sa nasabing lugar.

Dahil dito, agad na naiparating ang sitwasyon sa QC Helpline 122, na nagresulta sa agarang pagtugon ng QCDRRMO at MMDA Rescue Team upang matiyak ang kaligtasan ng biktima.

Pinuri ang PS12 sa kanilang agarang pagresponde, na patunay na ang Quezon City Police District ay laging handang rumesponde sa anumang uri ng insidente at protektahan ang publiko.