SUGATAN ang babaeng backrider ng tumama sa pinto ng UV Express sa Nicanor Reyes St. sa harap ng Far Eastern University (FEU) Sampaloc, Manila noong Lunes.

Nahaharap sa kaso ang driver na si Delfin Salazar dahil sa pagsalpok ng biktimang si Kaziel ng Makati City sa pinto ng sasakyan nang biglang buksan ng pasahero.

Base sa ulat nina Police Staff Sergeant Erick Orio at Police Corporal Michael Franco ng Manila District, bandang alas-9:00 ng umaga nang maganap ang aksidente.

Nakahinto umano ang sasakyan ni Salazar ng biglang binuksan ang pinto ng isang pasahero sa kanang bahagi kaya nabangga ang paparating na motorsiklo.

Dahil dito nabundol ang backrider na si Kaziel na nagtamo ng pinsala sa katawan.