ISINOLI ng tatlong lady security screeners ng Philippine Ports Authority (PPA) ang isang bag na naiwan ng isang pasahero sa Port of Surigao.

Ang itim na sling bag ay mayroong laman na P12,000 pera, iba’t-ibang identification cards, cellphone charger, at iba pang personal belongings ay naiwan umano sa X-Ray Baggage Machine noong Enero 30, 2023.

Nakita ito ng mga security screeners na sina Daylene Nabi, Ginalyn Tartar, at Jessa Pabalate.

Naibalik ang bag ni Lorena E. Mindana, isang Administrative Assistant III sa Siargao District Hospital at residente ng Dapa, Siargao Island, Surigao del Norte. Napag-alaman na si Mindana ay patungong Port of Dapa.