INAASAHANG papasok anumang oras sa Philippine area of responsibility (PAR) ang bagyong “Jangmi” at tatawaging “Domeng” kapag nasa loob na ng bansa.

Sinabi ng Philippine Atmospheric Geophysical and Astronomical Services Administration (PAGASA) na posibleng opisyal ng magsimula ang rainy season sa una o ikalawang linggo ng Hunyo dahil sa patuloy na paglakas ng southwest monsoon.

Sa kasalukuyan, binabantayan ang posibleng epekto ng bagyo sa eastern section ng bansa, kabilang ang pag-ulan at pagbugso ng hangin sa ilang bahagi ng Luzon at Visayas.

Ayon pa sa climate outlook ng PAGASA, nasa 9 hanggang 13 tropical cyclones ang maaaring mabuo o pumasok sa PAR mula Hunyo hanggang Nobyembre 2026.