NATAGPUAN ang bangkay ng lalaki noong Sabado sa Brgy. Sabang, Tuy, Batangas na umano’y sinaksak at napatay ng kanyang kainuman.

Lumabas sa imbestigasyon na dakong alas-7:00 ng umaga nadiskubre ni Rene Barrias Casilihan ang bangkay ng biktima na si Nemesio Avila Rufin sa madamong bahagi ng nabanggit na lugar.

Ayon sa katrabaho ng biktima na si Leslie Ilao Mendoza, unang naiulat na nawawala ang biktima alas-3:00 ng hapon Nobyembre 7.

Ayon sa report, nag-iinuman ang biktima at suspek na si alyas Freddie sa bahay ni Dexter Gludo Villaluna ng magkaroon ng hindi pagkakaunawaan at mainitang pagtatalo.

Matapos ang inuman, umalis ang suspek at biktima at tumuloy sa Brgy. Sabang at doon umano isinagawa ng suspek ang pagpatay sa biktima sa pamamagitan ng pagsaksak sa batok.

Naaresto ng mga pulis ang suspek.